Endurhæfingarstöð Sjálfsbjargar á Bjargi, Bugðusíðu 1, er opin alla virka daga frá kl. 8:00 til 17:30.
Sími stöðvarinar er 462-6888 afgreiðslan er opin frá klukkan 07:30-16:00.
Endurhægingarstöðin á Bjargi hefur ákveðið að lengja þjónustutíma stöðvarinnar til að koma á móts við þá skjólstæðinga sem þurfa að komast í sjúkraþjálfun eftir klukkan 15:30 á daginn.
Vakin er athygli á því að nýlega voru ráðnir tveir sjúkraþjálfarar til viðbótar og höfum við þannig náð því takmarki að bið eftir sjúkraþjálfun er óveruleg.
Auk þess að bjóða upp á almenna sjúkraþjálfun, bjóðum við uppá íþróttasjúkraþjálfun, þjálfun barna, sogæðanudd, nálastungur, vaxmeðferð fyrir gigtarsjúklinga, endurhæfingu eftir aðgerðir og heimasjúkraþjálfun.
Stöðin starfar samkvæmt samningi við Tryggingarstofnun ríkisins og miðast greiðslur skjólstæðinga við hann. Tilvísun frá lækni verður að vera fyrir hendi til að hægt sé að hefja meðferð. Hjá félaginu starfa að jafnaði 12 sjúkraþjálfarar og tveir iðjuþjálfar.Sjálfsbjörg félag fatlaðra á Akureyri og nágrenni hefur rekið endurhæfingarstöð á Akureyri frá árinu 1970.
